ಈ ವರ್ಷ ಬಿಡುಗಡೆಯಾದಂತಹ ಬಹುತೇಕ ಹೊಸಬರ ಚಿತ್ರಗಳು ಹಾಗೂ ಹಳಬರ ಚಿತ್ರಗಳು ಮತ್ತು ಸೂಪರ್ ಸ್ಟಾರ್ ಗಳ ಚಿತ್ರಗಳು,ತಮ್ಮ ಕಂಟೆಂಟ್ ನಿಂದಾಗಿ ಅಲ್ಪ ಸ್ವಲ್ಪ ಸುದ್ದಿ ಮಾಡಿದ್ದು ಎಷ್ಟು ಸತ್ಯವೋ ಅಷ್ಟೇ ಜನರಿಗೆ ಹೊಸತನದ ಫೀಲ್ ಕೊಟ್ಟಿದ್ದಾರೆ ಎನ್ನಬಹುದು,ಅದರಲ್ಲೂ ಹೊಸಬರ ಬಗ್ಗೆ ಮಾತನಾಡುವುದಾದರೆ ಸಂಚಿತ ಎಂಬ ಯುವ ನಾಯಕನ ಬಗ್ಗೆ.
ಹೌದು ಸಂಚಿತ ಮ್ಯಾಂಗೋ ಪಚ್ಚ ಚಿತ್ರದ ಮೂಲಕ ತಮ್ಮ ಅಧಿಕೃತ ಎಂಟ್ರಿ ಪಡೆದ ನಂತರ,ಚಿತ್ರಕ್ಕೆ ಸಿಕ್ಕ ಜೆನ್ವಿನ್ ರೆಸ್ಪಾನ್ಸ್ ನೋಡಿದಾಗ ಎಂತಹ ಹೊಸಬರಿಗೂ ಹುಮ್ಮಸ್ಸು ಬರುತ್ತದೆ,ಅಂದ್ಹಾಗೆ
ಒಟಿಟಿಗೆ ಲಗ್ಗೆಯಿಟ್ಟ ಕಿಚ್ಚ ಸುದೀಪ್ ಸೋದರಳಿಯ ಸಂಚಿತ್ ಚೊಚ್ಚಲ ಸಿನಿಮಾ: ಜಿಯೋಹಾಟ್ಸ್ಟಾರ್ನಲ್ಲಿ ‘ಮ್ಯಾಂಗೋ ಪಚ್ಚಾ’ ಡಿಜಿಟಲ್ ಸ್ಟ್ರೀಮಿಂಗ್ ಆರಂಭ!
ಮೈಸೂರಿನ ಭೂಗತ ಲೋಕ ಹಾಗೂ ರಿಯಲಿಸ್ಟಿಕ್ ಕ್ರೈಂ ಜಗತ್ತಿನ ಹಿನ್ನೆಲೆಯಲ್ಲಿ ತೆರೆಕಂಡು ಪ್ರೇಕ್ಷಕರ ಮೆಚ್ಚುಗೆ ಗಳಿಸಿದ್ದ ‘ಮ್ಯಾಂಗೋ ಪಚ್ಚಾ’ ಸಿನಿಮಾ ಇದೀಗ ಡಿಜಿಟಲ್ ವೇದಿಕೆಗೆ ಲಗ್ಗೆಯಿಟ್ಟಿದೆ. ಕಿಚ್ಚ ಸುದೀಪ್ ಅವರ ಸೋದರಳಿಯ ಸಂಚಿತ್ ಸಂಜೀವ್ ನಾಯಕನಾಗಿ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿರುವ ಈ ಚಿತ್ರವು ಸೆ.25ರಿಂದ ‘ಜಿಯೋಹಾಟ್ಸ್ಟಾರ್’ನಲ್ಲಿ ಅಧಿಕೃತವಾಗಿ ಸ್ಟ್ರೀಮಿಂಗ್ ಆರಂಭಿಸಿದೆ.
ಈ ಸಿನಿಮಾದಲ್ಲಿ ಸಂಚಿತ್ ಸಂಜೀವ್ ಅವರು ಪ್ರಶಾಂತ್ ಅಲಿಯಾಸ್ ‘ಪಚ್ಚ’ ಎಂಬ ಪವರ್ಫುಲ್ ಶೇಡ್ ಹೊಂದಿರುವ ಪ್ರಮುಖ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಸಾಮಾನ್ಯ ಮಧ್ಯಮ ವರ್ಗದ ಬದುಕನ್ನು ಸಾಗಿಸುತ್ತಿದ್ದ ಯುವಕನೊಬ್ಬ, ಅನಿವಾರ್ಯ ಪರಿಸ್ಥಿತಿಗಳ ಸುಳಿಗೆ ಸಿಲುಕಿ ಅಪರಾಧ ಲೋಕಕ್ಕೆ ಹೇಗೆ ಕಾಲಿಡುತ್ತಾನೆ ಹಾಗೂ ಕಾಲಕ್ರಮೇಣ ಅದೇ ಜಗತ್ತಿನಲ್ಲಿ ತನ್ನದೇ ಆದ ಬಲವಾದ ಪ್ರಭಾವ ಬೆಳೆಸಿಕೊಂಡು ಹೇಗೆ ಬೆಳೆಯುತ್ತಾನೆ ಎಂಬ ಮಾಸ್ ಜರ್ನಿಯನ್ನು ಚಿತ್ರ ಅತ್ಯಂತ ನೈಜವಾಗಿ ತೆರೆದಿಡುತ್ತದೆ. ಸಂಚಿತ್ ಅವರ ನಟನೆ, ಬಾಡಿ ಲಾಂಗ್ವೇಜ್ ಮತ್ತು ಮಾಸ್ ಮ್ಯಾನರಿಸಂ ಸಿನಿಪ್ರೇಕ್ಷಕರ ಗಮನ ಸೆಳೆದಿವೆ.
ನಿರ್ದೇಶಕ ವಿವೇಕ್ ಸಾರಥ್ಯದಲ್ಲಿ ಮೂಡಿಬಂದಿರುವ ಈ ಚಿತ್ರವು 2001ರಿಂದ 2011ರ ನಡುವಿನ ಮೈಸೂರಿನ ಹಿನ್ನೆಲೆಯಲ್ಲಿ ಸಾಗುತ್ತದೆ. ಆ ಕಾಲಘಟ್ಟದ ಸ್ಥಳೀಯ ರಾಜಕೀಯ, ಗ್ಯಾಂಗ್ಗಳ ನಡುವಿನ ರಕ್ತಸಿಕ್ತ ಸಂಘರ್ಷ, ಕುಟುಂಬದ ಭಾವನೆಗಳು ಮತ್ತು ಪ್ರೀತಿಯ ನಡುವೆ ನಾಯಕನ ಬದುಕು ತೆಗೆದುಕೊಳ್ಳುವ ತಿರುವುಗಳನ್ನು ಕಥೆಯಲ್ಲಿ ಕುತೂಹಲಕಾರಿಯಾಗಿ ಕಟ್ಟಿಕೊಡಲಾಗಿದೆ. ಸಂಚಿತ್ ಜೊತೆಗೆ ಮಯೂರ್ ಪಟೇಲ್, ಹಂಸಾ, ‘ಉಗ್ರಂ’ ಮಂಜು, ಹರಿಣಿ ಶ್ರೀಕಾಂತ್, ಜೈ ಗೋಪಿನಾಥ್ ಮುಂತಾದ ಪ್ರತಿಭಾವಂತ ಕಲಾವಿದರ ತಾರಾಗಣ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದೆ.
ಚಿತ್ರಮಂದಿರಗಳಲ್ಲಿ ಈ ಮಾಸ್ ಆಕ್ಷನ್ ಥ್ರಿಲ್ಲರ್ ಸಿನಿಮಾವನ್ನು ಮಿಸ್ ಮಾಡಿಕೊಂಡಿದ್ದ ಸಿನಿಪ್ರಿಯರಿಗೆ ಇದೀಗ ಮನೆಯಲ್ಲೇ ಕುಳಿತು ವೀಕ್ಷಿಸುವ ಉತ್ತಮ ಅವಕಾಶ ಸಿಕ್ಕಿದೆ. ಮೈಸೂರಿನ ‘ಪಚ್ಚ’ನ ರೋಚಕ ಕ್ರೈಂ ಜರ್ನಿಯ ‘ಮ್ಯಾಂಗೋ ಪಚ್ಚಾ’ ಚಿತ್ರವು ಇಂದಿನಿಂದ ಜಿಯೋಹಾಟ್ಸ್ಟಾರ್ನಲ್ಲಿ ವೀಕ್ಷಣೆಗೆ ಲಭ್ಯವಿದೆ.
